ಅಮರ ಸ್ನೇಹ: ಬಿಡಿಸಲಾರದ ಬಾಂಧವ್ಯ

ಆಕಾಶ ಭೂಮಿ ದೂರವೇ ಇದ್ದರೂ

ಅವುಗಳ ಸಂಬಂಧಗಳಿಗೆ ಮಿತಿಯುಂಟೇನಯ್ಯ..

ಮೋಡ- ಜಲಚಕ್ರ ಮಳೆ -ನೀರಾವಿ

ಬೆಳೆ- ಸಮೃದ್ಧಿ ತಾಪ- ಹವಾಮಾನ ..

ಹೀಗೆ ನೂರೆಂಟು ಬಂಧಗಳಿವೆ ಕಾಣಯ್ಯ!

ಮಾನವ ಸಂಬಂಧಗಳು ಜೊತೆ ಇರದಿದ್ದೊಡೆ

ಅವುಗಳು ಮುಗಿದೇ ಹೋದವು ಎಂದೇಕೆನ್ನುವಿರಿ..

ಮನಸ್ಸು- ನೆನಪು ಮುಗುಳ್ನಗೆ- ನಿಟ್ಟುಸಿರು

ಕನಸು- ಅಭಿವೃದ್ಧಿ ಕೋಪ- ಬಹುಮಾನ

ಹೀಗೆ ನೂರೆಂಟು ಅನುಬಂಧಗಳಿವೆ ಕಾಣಿರಯ್ಯ..

ನಿರ್ಲಿಪ್ತ ನಿಸ್ವಾರ್ಥ ನಿರಹಂಕಾರ..ವಿಕಾಸ ಒಳಿತು ಶ್ರೇಯಸ್ಸಿನ ಸ್ನೇಹ ಬಂಧವು ಎಂದಿಗೂ ಅಮರವಯ್ಯ...

ಇದೇ ಅಮರ ಸ್ನೇಹ ಚೇತನದ ಗುಟ್ಟು ಕಾಣಯ್ಯ...

 :-ಕೃತಿ (ಕೃಷ್ಣ ತಿಲಕ್)