ಚುಟುಕು ಕವನಗಳು

ತಾಳಿದವನು ಬಾಳಿಯಾನು ಎಂಬುದಿದೆ

ಗಾದೆ ಮಾತೊಂದು|

ಇದನರಿತು ಸಾಗುತಿರೆ

ನಮ್ಮ ಬಾಳು ಬಂಗಾರವೆಂದು|

ಅದನರಿಯದೆ ಏಕೆ ಕೊರಗುವಿರಿ

ಜೀವನದಿ ನೊಂದು ನೊಂದು!|

ಆತುರಗಾರನಿಗೆ ಬುದ್ಧಿ ಮಟ್ಟವಂತೆ ಕೇಳ!

ನಿರಂತರ ಯತ್ನದಿ ಸಾಗಿ ನೀ ಬಾಳ!

ಸತತ ಪ್ರಯತ್ನ, ಸ್ಪಷ್ಟ ಗುರಿಯೇ ಈ ಜೀವನದ ದಾಳ!|

ಇನ್ನೇಕೆ ಈ ಚಿಂತೆ,

ಸಾಕು ಬೇಕುಗಳ ಸಂತೆ,

ಮೇಲ್ನುಡಿಗಳೇ ಸತ್ಯವಂತೆ!||

ಸುಗಮದಿ ಸಾಗಲಿ ನಿನ್ನ ಜೀವನ

ನಿಶ್ಚಿಂತೆಯಿಂ, ಸಂತೋಷದಿ ನಲಿಯಲಿ ನಿನ್ನ ಮನ,

ಅಮರ ಚೇತನವಾಗಲಿ ಜೀವಂಜ್ಯೋತಿ ಅನಿಕೇತನ!||

: ಕೃಷ್ಣ