ಒಲವು-ಚೆಲುವು (ಕಿರುಗವನಗಳು)

ಮುದ್ದು ಒಲವೆ, ಮನದ ಗೆಲುವೆ

ವರವಾಗಿ ನೀನು ಬರುವೆಯಾ!

ಒಲವ ಗೆದ್ದು ವಿಕಾಸ ಪಡೆದು

ಬದುಕ ಉಜ್ವಲಗೊಳಿಸೆಯಾ

ವಿರಹ ಅಳಿಸಿ ಸೊಗದಿ ನೆಲೆಸಿ

ಮೊಗದಿ ನಗುವ ತರುವೆಯಾ

ಸಾಕು ನೋವು, ಬೇಕು ಚೆಲುವು

ಮಯೂರಿಯಂತೆ ನಲಿವೆಯಾ...

ಬೃಂದಾವನದ ಏ ಚೆಲುವೆ..!

ಗೋಪಿಕಾ ಪ್ರೇಮದೊಲವೆ..!

ಮಾಧವನನೆ ಪ್ರೇಮ ಬಂಧನದಲಿರಿಸಿದೆ

ನಿಜ ಪ್ರೇಮದ ಅರ್ಥವ ಜಗಕೆ ಸಾರಿದೆ..

ಮನ-ಮನ ಪ್ರೀತಿಗೆ ಮಾದರಿ ಒಲವಾದೆ

ಜಗದಂತ್ಯದವರೆಗೊ ಅಮರ ತ್ಯಾಗಿಯಾದೆ!

ಮದುವೆಯ ಬಂಧ, ದೇಹ ಸಂಬಂಧ

ಮೀರಿದ ಮನಸುಗಳ ಮೀಲನಾನುಬಂಧ

ಆತ್ಮಗಳ ಐಕ್ಯತೆ ಸೊಗ ಪರಮಾನಂದ

ಕಲಿಯಲಿ ಕಲಿಯುಗ ನಿಮ್ಮ ಪ್ರೇಮದಿಂದ!

:-ಕೃತಿ